Мемлекеттік қызмет

Мемлекеттік қызметшінің имиджі

«Б» корпусының уақытша бос мемлекеттік әкімшілік лауазымдарына орналасуға ішкі конкурс өткізу туралы Өскемен қаласы, М. Горький көшесі, 40 мекенжайында орналасқан  «Шығыс Қазақстан облысының ішкі саясат басқармасы» ММ
(070002,  240 бөлме, тел. 8-/7232/713-288, 26-42-54, e-mail: m.sadvakasova@akimvko.gov.kz), төмендегі «Б»корпусының уақытша бос әкімшілік мемлекеттік лауазымға орналасуға ішкі конкурс(аталған мемлекеттік органның мемлекеттік қызметшілері аркасында) жариялайды:

1. Қаржы–шаруашылық бөлімінің бас маманы (негізгі қызметкердің бала күтіміне байланысты демалысы кезеңіне 11.07.2020 ж. дейін) санаты D-О-4 (1 бірлік), лауазымдық еңбекақысы жұмыс өтіліне байланысты 83 282  теңгеден 112 430, 81 теңгеге дейін.

Функционалдық міндеттері:
Кезекті қаржылық кезеңге және жақын арадағы үш жылға бюджеттік өтінім жасайды, қаржылық жыл ішінде қаржыландыру жоспарларын өзгертуге қосымша бюджеттік өтінімдер жасайды. Қаржыландыру жоспарларының орындалуы туралы есептеме тапсырады. Мемлекеттік сатып алулардың жылдық жоспарларын әзірлеуге қатысады. Активтер мен тауарлық - материалдық құндылықтарға есеп жүргізеді, нұсқаулықтарға сәйкес активтерге және ТМҚ түгендеу жүргізеді, оларды есептен шығару құжаттарын дайындайды. Бухгалтерлік және басқа да құжаттардың сақталуын, белгіленген тәртіпте оларды ресімдеуді және мұрағатқа тапсыруды қамтамасыз етеді; ақпараттарды «Ашық бюджеттер» және «Парус - КАЗ Бюджет» порталдарына уақтылы орналастыруды және өзектендіруді қамтамасыз етеді.
Өз құзыреттігі шегінде Қазақстан Республикасы Президентінің, Қазақстан Республикасы Мемлекеттік хатшысының, Қазақстан Республикасы Үкіметінің, Қазақстан Республикасы Президенті Әкімшілігінің, Қазақстан Республикасы Премьер-Министрі Кеңсесінің актілері мен тапсырмаларын,  облыс әкімі мен әкімдігінің актілері мен тапсырмаларын,  азаматтардың өтініштерін орындайды. Сапа саласындағы мақсаттарға қол жеткізуді және саясатты іске асыруды қамтамасыз етеді. Өз құзыреттігі шегінде басқа да өкілеттіктерді жүзеге асырады.

Конкурсқа қатысушыларға білімі бойынша қойылатын талаптар:
Жоғары «Әлеуметтік ғылымдар, экономика және бизнес» (экономика, есеп және аудит, қаржы, мемлекеттік және жергілікті басқару).

2. Азаматтық қоғам институттарымен жұмыс бөлімінің бас маманы (негізгі қызметкердің бала күтіміне байланысты демалысы кезеңіне 27.04.2019 ж. дейін) санаты D-О-4 (1 бірлік), лауазымдық еңбекақысы жұмыс өтіліне байланысты 83 282  теңгеден 112 430, 81 теңгеге дейін.

Функционалдық міндеттері:
ҮЕҰ, саяси патиялар және азаматтық қоғамның өзге институттарының дерекқорын қалыптастырады және оны өзекті жағдайда ұстайды. Облыстың саяси партияларымен, үкіметтік емес ұйымдарымен өзара іс-қимылды және олардың қызметін талдауды қамтамасыз етеді. Облыстық, қалалық және аудандық қоғамдық кеңестердің қызметін үйлестіреді. Кеңестердің қызметін талдауды, материалдарды жинақтау мен жалпылауды, бөлім қызметінің негізгі бағыттары бойынша басқарманың интернет-ресурсында ақпараттарды жаңартуды қамтамасыз етеді.
Азаматтық қоғам институттарын дамыту мәселелері бойынша, этносаралық  саясат саласында іс-шаралар дайындайды және өткізеді. Бөлім номенклатурасына сәйкес істерді жүргізеді. Бөлімнің номенклатурасын құрастырады.
Өз құзыреттігі шегінде Қазақстан Республикасы Президентінің, Қазақстан Республикасы Мемлекеттік хатшысының, Қазақстан Республикасы Үкіметінің, Қазақстан Республикасы Президенті Әкімшілігінің, Қазақстан Республикасы Премьер-Министрі Кеңсесінің актілері мен тапсырмаларын, облыс әкімі және әкімдігінің актілері мен тапсырмаларын, азаматтардың өтініштерін орындайды. Сапа саласындағы мақсаттарға қол жеткізуді және саясатты іске асыруды қамтамасыз етеді. Өз құзыреттігі шегінде басқа да өкілеттіктерді жүзеге асырады.

Конкурсқа қатысушыларға білімі бойынша қойылатын талаптар:
Жоғары «Білім беру» (тарих, қазақ тілі және әдебиеті), «Әлеуметтік ғылымдар, экономика және бизнес» (социология, политология, мемлекеттік және жергілікті басқару), «Гуманитарлық ғылымдар» (тарих, филология).

Мынадай құзыреттердің бар болуы: бастамалық, адамдармен тіл табысуы, аналитикалық, ұйымдастырушылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік.

Жұмыс тәжірибесі келесі талаптардың біріне сәйкес болуы тиіс:
1) мемлекеттік қызмет өтілі бір жарым жылдан кем емес, оның ішінде мемлекеттік органның штат кестесінде көзделген келесі төменгі санаттағы лауазымдарда немесе В-6, С-5, C-O-6, C-R-3, D-5, D-O-5, Е-4, E-R-3, E-G-2 санаттарынан төмен емес лауазымдарда немесе Тізіліммен айқындалған "А" корпусының мемлекеттік әкімшілік лауазымдарында немесе саяси мемлекеттік лауазымдарда мемлекеттік қызмет өтілі бір жылдан кем емес;
2) осы санаттағы нақты лауазымның функционалдық бағыттарына сәйкес салаларда жұмыс өтілі екі жарым жылдан кем емес, оның ішінде мемлекеттік органның штат кестесінде көзделген келесі төменгі санаттағы лауазымдарда немесе В-6, С-5, C-O-6, C-R-3, D-5, D-O-5, Е-4, E-R-3, E-G-2 санаттарынан төмен емес лауазымдарда немесе Тізіліммен айқындалған "А" корпусының мемлекеттік әкімшілік лауазымдарында немесе саяси мемлекеттік лауазымдарда мемлекеттік қызмет өтілі бір жылдан кем емес;
3) В-6, С-5, C-O-6, C-R-3, D-5, D-O-5, Е-4, E-R-3, E-G-2 санаттарынан төмен емес мемлекеттік әкімшілік лауазымдарда немесе Тізіліммен айқындалған "А" корпусының мемлекеттік әкімшілік лауазымдарында немесе саяси мемлекеттік лауазымдарда немесе Қазақстан Республикасы Парламентінің депутаты мәртебесінде немесе тұрақты негізде қызмет ететін облыс, республикалық маңызы бар қала, астана, аудан (облыстық маңызы бар қала) мәслихатының депутаты мәртебесінде немесе халықаралық қызметкер мәртебесінде қызмет өтілі бір жарым жылдан кем емес;
4) мемлекеттік қызмет өтілі екі жарым жылдан кем емес, оның ішінде орталық, облыстық немесе қалалық деңгейдегі құқық қорғау немесе арнайы мемлекеттік органдарының немесе Қарулы Күштер әскери басқару органдарының тактикалық деңгейінен төмен емес, жергілікті әскери басқару органдарының немесе әскери оқу орындарының лауазымдарында екі жылдан кем емес;

5) жоғары оқу орындарынан кейінгі оқу бағдарламалары бойынша Қазақстан Республикасының Президенті жанындағы білім беру ұйымдарында мемлекеттік тапсырыс негізінде немесе шетелдің жоғары оқу орындарында Республикалық комиссия бекітетін басым мамандықтар бойынша оқуды аяқтауы.

Конкурсқа қатысушыларға қойылатын жалпы талаптар:
Ішкі конкурсқа қатысуға ниет білдірген азаматтар конкурс өткiзетiн мемлекеттiк органға құжаттарын қолма-қол тәртіпте, почта арқылы не хабарландыруда көрсетілген электрондық почта мекенжайына электронды түрде не «Е-gov» электронды Үкімет порталы арқылы құжаттарды қабылдау мерзімінде тапсырады.
Конкурсқа қатысу үшін құжаттар электронды түрде электрондық почта не «Е-gov» электронды Үкімет порталы арқылы берілген жағдайда азаматтар құжаттардың түпнұсқасын әңгімелесу басталғанға дейін екі сағат бұрын кешіктірілмей береді.
Оларды бермеген жағдайда конкурс комиссиясы тұлғаны әңгімелесуден өтуге жібермейді.
Құжаттарды қабылдау мерзiмi ішкі конкурс өткiзу туралы хабарландыру соңғы жарияланған (Уәкілетті органның интернет-ресурсында) күнінен бастап 3 жұмыс күні.
Ішкі конкурсқа қатысу үшін мынадай құжаттар тапсыру қажет:
1) осы Қағидалардың 2-қосымшасына сәйкес нысандағы өтініш;
2) тиісті персоналды басқару қызметімен құжаттарды тапсыру күніне дейін күнтізбелік 30 күн ішінде расталған қызметтік тізім.
Құжаттардың толық емес пакетін ұсыну конкурс комиссиясының оларды қараудан бас тартуы үшін негіз болып табылады.
Азаматтар бiлiмiне, жұмыс тәжiрибесiне, кәсiби деңгейіне және беделіне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.
Әңгімелесуге жіберілген кандидаттар, оны кандидаттарды әңгімелесуге жіберу туралы хабардар ету күнінен бастап 3 жұмыс күн ішінде Шығыс Қазақстан облысы ішкі саясат басқармасында, 246 кабинетте өтеді.
Конкурс комиссиясының отырысына байқаушылар ретінде Қазақстан Республикасы Парламентінің және барлық деңгейдегі мәслихат депутаттарының, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, мемлекеттік қызмет істері жөніндегі уәкілетті органның қызметкерлері қатыса алады.
Егер конкурсқа қатысушылар мен кандидаттар конкурстық комиссия шешімімен келіспеген жағдайда олар 5 жұмыс күн ішінде  уәкілетті органға немесе оның аумақтық бөлімшесіне (Өскемен қаласы, Тәуелсіздік даңғылы, 4) не сот тәртібінде конкурс комиссиясының шешiмiне шағымдана алады
Азаматтар конкурсқа қатысу шығындарын (әңгімелесу өтетiн жерге келу және қайту, тұрғын жай жалдау, тұру, байланыс қызметiнiң барлық түрлерiн пайдалану) өздерiнiң жеке қаражаттары есебiнен жүргiзедi.
Ішкі конкурс Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2017 жылғы  21 ақпандағы № 40 бұйрығымен бекітілген, «Б» корпусының мемлекеттік әкімшілік лауазымына орналасуға арналған конкурсты өткізу қағидаларының негізінде өткізіледі.
Анықтама телефоны: 8-/7232/713-288, 713-287,  e-mail: m. sadvakasova@akimvko.gov.kz.

 

Мұрағат 2018 жыл

Бос әкімшілік лауазымдарға орналасу конкурстарының мұрағаты

Парақтар өзгертілді: 02-08-2018