Бюджет туралы есеп

«Шығыс Қазақстан облысының ішкі саясат басқармасы» ММ  бюджеті туралы 2018 жылғы 1 шілдеге қатысты ақпарат

Облыстың ішкі саясат саласындағы басымды бағыттар болып: мемлекеттілікті нығайту, демократияны дамыту және азаматтық қоғам институттарын қолдау, қоғамдық тұрақтылықты, этносаралық және конфессияаралық келісімді қамтамасыз ету, тұрғындар арасында ауқымды ақпараттық-түсіндіру жұмыстарын жүргізу, мемлекеттік саясатты іске асыру, мемлекеттік жастар саясатының тиімділігін арттыру, ақпараттық кеңістіктің бәсекеге қабілеттілігін арттыру, тұрғындардың әлеуметтік сенімін қалыптастыру табылады.
Мемлекеттік саясатты және ішкі саясат саласындағы мемлекеттік басқару функцияларын жүзеге асыру, мемлекеттік органдардың ішкі саяси тұрақтылықты және ұлтаралық келісімді нығайту жөніндегі қызметтерін жетілдіру, сондай-ақ,  насихат жұмыстарын жүргізудің инновациялық формалары мен әдістерін пайдалану  263 001 000 «Жергілікті деңгейде мемлекеттік, ішкі саясатты іске асыру бойынша қызметтер»  бағдарламасы арқылы жүзеге асырылады.  Бұл бағдарлама бойынша         2018 жылдың І жарты жылдығына 141 628,7 мың теңге қарастырылған.  Бюджеттік бағдарлама аясында   «Ішкі саяси тұрақтылықты және қоғамды демократияландыруға бағытталған іс-шаралар саны» тікелей нәтиже көрсеткіші жоспарланған. 
2018 жылдың І жарты жылдығы бойынша шығыстар құрылымындағы анағұрлым үлкен үлесті сомасы  247 880,0 мың. теңге болатын,  мемлекеттік ақпараттық саясатты жүргізу қызметтерін төлеуге жұмсалған қаржы құрайды.  Қаржыландыру  263 007 000 «Мемлекеттік ақпараттық саясатты жүргізу бойынша қызметтер» бюджеттік бағдарламасы бойынша жүзеге асырылады.  Аталған бағдарлама аясында 2018 жылы «Басылымдық БАҚ-та мемлекеттік тапсырыс аясында шыққан баспа парақтарының көлемі» тікелей нәтиже көрсеткіштеріне қол жеткізу жоспарланған. 
2018 жылға мемлекеттік сатып алу бойынша  сомасы 902 477,2 мың теңгені құрайтын, 183 тармақты жоспар құрылған.  2018 жылдың І жарты жылдығында  жоспардың 164 тармағына шарт жасалды, олардың  61-і орындалды, қалған 103 тармағы жұмыс үстінде.
Жоспардың 2 тармағы  жарияланды, 2 тармағы өткен жоқ 15 тармағы бекітілді. Мемлекеттік сатып алулар қорытындысы бойынша 784 979,0 мың теңгені құрайтын 122 шарт  жасалды.
Бюджеттік бағдарламаларды және мемлекеттік сатып алулар жоспарының тармақтарын орындау бойынша түпкілікті нәтиже  99,9 % құрады.

Парақтар өзгертілді: 18-07-2018