Басқарманың жумысы туралы есептер

ШҚО ішкі саясат басқармасының 2017 жылғы жұмысы туралы есеп

Ішкі саясат басқармасының  2017 жылғы жұмысы «Қазақстан - 2050», «100 нақты қадам» Ұлт жоспарында, мемлекет Президентінің «Қазақстанның үшінші жаңғыру: жаһандық бәсекеге қабілеттілік» Жолдауында, «Рухани жаңғыру» бағдарламасында белгіленген тапсырмалар және оқиғалар қатары негізінде атқарылды.
Ішкі саясат басқармасы жұмысының маңызды бағыттары:
- өңірде ішкі саяси тұрақтылықты және қоғамдық келісімді сақтау;
- мемлекеттік саясатты, «100 нақты қадам» Ұлт жоспарын, Жолдауды, бағдарламалық құжаттарды  іске асырудың  барысын түсіндіру;
- мемлекеттік ақпараттық саясатты іске асыру,
- жастар саясатын іске асыру,
- азаматтық қоғам институттарымен сындарлы өзара іс-қимыл,
- гендерлік саясатты іске асыру мәселелерін үйлестіру болып табылды.

Ақпараттық-түсіндіру жұмысы

Мемлекет Басшысы Жолдауының, мемлекеттік бағдарламалардың («Мәңгілік Ел», Халық бірлігі, Ұлт жоспары, Жалпыға Ортақ Еңбек Қоғамы, ЭКСПО-2017) міндеттерін іске асыру, өзекті мәселелерді шешу бойынша тұрғындар арасында ақпараттық-түсіндіру жұмыстарын жүргізу барысында  609179 адам қамтылған   12052 кездесу өткізілді. Оның ішінде, қоғамдық бірлестіктер өкілдерінің қатысуымен 1178 кездесу өткізіліп, 119850 адам қамтылды (семинарлар, кездесулер, «дөңгелек үстелдер», конференциялар және т.б.).
Облыста 3500 мүшесі бар, барлық деңгейдегі 500 ақпараттық топ жұмыс істейді. Топтардың құрамына мемлекеттік органдардың басшылары мен өкілдері, мәслихаттар депутаттары, этномәдени бірлестіктердің, техникалық және гуманитарлық зиялы қауым, ҮЕҰ, БАҚ, шағын және орта бизнес, кәсіподақ ұйымдарының, ардагерлер кеңестерінің, Кәсіпкерлер палатасының өкілдері кіреді.
Қоғамдық маңызды іс-шаралардың әлеуеті пайдаланылады. 2017 жылы барлығы 21 мыңнан астам іс-шара өткізілді.
Іс-шаралар түрлі атаулы аудиториялармен, соның ішінде: жастар, ардагерлер, азаматтық қоғам өкілдерімен, шағын және орта бизнес, өндіріс кәсіпорындар жұмысшылары, шалғай ауыл тұрғындарымен, тұрғындардың әлеуметтік қорғалмаған санаттарымен өткізілді. Іс-шараларға ірі кәсіпорындар мен ауыл шаруашылық құрылымдары тартылды.
Жалпы облыс аумағында 2000-нан астам әлеуметтік маңызды жарнама құрылғылары орналасқан. Басымды тақырыптар қатарын: Президент Жолдауы, «Рухани жаңғыру», Ұлт жоспары, Жалпыға ортақ еңбек қоғамы, Экспо – 2017, сыбайлас жемқорлыққа қарсы тақырыптар құрайды. 
2017 жылы конституциялық реформаны түсіндіру бойынша қалалар мен аудандардың 700 елді мекенінде 2907 кездесу өткізіліп, 120188 адам қамтылды.

«Рухани жаңғыру» бағдарламасын жүзеге асыру туралы

Бағдарламаны іске асыру кешенді тәсілдерге негізделген. Бағдарламаны жүзеге асыруға жергілікті атқарушы органдармен қатар жетекші ғалымдар, өңірлік ЖОО, үкіметтік емес ұйымдар, этномәдени бірлестіктер, «Нұр Отан» партиясының өкілдері тартылған.

Облыста «Рухани жаңғыру» бағдарламасының 4 негізгі ішкі бағдарламасы аясында 57 жоба жүзеге асырылуда.
«РУХАНИ ҚАЗЫНА» ішкі бағдарламасы аясында 2017 жылы республикалық реестрге енгізілген 19 жобаның 16 жобасы іске асырыла бастады.

2017 жылы «ТӘРБИЕ ЖӘНЕ БІЛІМ» ішкі бағдарламасы аясындағы  35 жобалар және іс-шаралардың 12-сі бойынша жылдық кезеңдері іске асырылды  (3 жоба және 9 республикалық іс-шара).

«АТАМЕКЕН» ішкі бағдарламасы бойынша «Жомарт Жүрек» және «Менің мектебім» жобалары іске асырылды. Ағымдағы жылы мұқтаж тұлғалар қажеттіліктерінің «Әлеуметтік бастамалар картасы» атты базасы құрылатын болады.
101 әлеуметтік жоба республикалық ruh.kz интерактивті платформаға енгізілді.

 «АҚПАРАТ ТОЛҚЫНЫ» ішкі бағдарламасы шеңберінде бағдарламаны жүзеге асыру және жариялау бойынша іс-шаралар атқарылды.

Ақпараттық саладағы жұмыс

2017 жылдың қорытындысы бойынша облыс аумағында 152 өңірлік БАҚ тіркелген, олардың 29-ы электрондық (7 телеарна, 3 радио, 10 сайт, 9 кабелдік теледидар арналары), 123 баспа (93 газет, 30 журнал) бұқаралық ақпарат құралдары.
Ақпараттық холдингтер және басылымдар базасында ақпараттық сайттар мен интернет басылымдар жұмыс істейді. Олардың 33-і мемлекеттік, 119-ы мемлекеттік емес. Тақырыптық бағыттар бойынша: қоғамдық-саяси – 58, ақпараттық-көңіл көтеру (жарнамалық) – 62, ведомстволық/діни – 10, ғылыми-әдістемелік  – 22.
2017 жыл ішінде ШҚО өңірлік коммуникациялық қызметінде жауапты лауазымды тұлғалардың 92 баспасөз конференциялары мен брифингтер өткізілді.
Мемлекеттік ақпараттық тапсырыс шеңберінде өткізілген баспасөз конференцияларының қорытындысы бойынша интернет-ресурстарда 2575 материал орналастырылды.
2017 жылы Шығыс Қазақстан облысының дамуы туралы жалпы саны  48 294 құрайтын материал   орналастырылды.
2017 жылдың қорытындысы бойынша отандық сандық телехабар тарату желілеріне қосылған абоненттер қатары 78179–ді құрады, бұл  жалпы көрсеткіштің 20 пайызы.

Азаматтық қоғам институттарымен өзара іс-қимыл

Облыстағы азаматтық қоғам институттарымен қарым-қатынас Қазақстан Республикасында үкіметтік емес ұйымдар мен мемлекеттің өзара іс-қимылын дамыту жөніндегі 2016 – 2020 жылдарға арналған ұлттық жоспарының негізінде сындарлы бағытта іске асырылуда.
Облыста республикалық: «Нур Отан», «ҚКХП», «Акжол», «Бірлік», «ЖСДП», «Ауыл» партияларының 6 облыстық, 28 қалалық және аудандық филиалдары тіркеліп, өз қызметтерін атқаруда. Барлық партиялардың өкілдері  Саяси клуб және Қоғамдық кеңес тәрізді сұхбат алаңдарының қатысушылары болып табылады.
Барлық деңгейдегі 20 қоғамдық кеңестің құрамына 229 адам кіреді, олардың 47% қоғамдық бірлестіктер, саяси партиялар, кәсіптік одақтардың өкілдері.
Жыл ішінде барлық деңгейдегі Қоғамдық кеңестер 254 отырыс, 70 қоғамдық тыңдау өткізді. 434 нормативтік-құқықтық актінің жобалары қаралды және келісілді.
133 мемлекеттік орган басшыларының есептері тыңдалды.
Қоғамдық кеңестің  сарапшылар топтары  денсаулық сақтау, білім беру, тұрғын үй-коммуналдық шаруашылығы қызметтерінің сапасын, экология, жастар бағдарламаларының жүзеге асырылуын тексеру бойынша 28 рейд өткізді.
Әділет органдарында 722 қоғамдық бірлестік тіркелген.
2017 жылы мемлекеттік әлеуметтік тапсырыс аясында 83 жоба іске асырылды.
Жобаларды тақырыптары әр-түрлі, олардың арасында жастар саясаты саласында, гендерлік білім, жергізікті өзін өзі басқаруды дамыту, азаматтардың, оның ішінде жастардың құқықтары мен бостандықтарын қорғау, қоғамдық келісімді бекіту, іріткі салушы топтарға тартудың алдын-алу, азаматтық бастамаларды дамыту салаларына қатысты жобаларды бөліп көрсетуге болады.


Мемлекеттік жастар саясатын іске асыру

Бүгінгі таңда Шығыс Қазақстан облысында тұратын 14-тен 29 жасқа дейінгі адамдар қатары 301135-ті құрайды, бұл жалпы өңір тұрғындарының  21,6%.  Тіркелген 120 жастар ұйымының 30-ы анағұрлым белсенді іс-әрекеттер танытады. Семей, Өскемен, Риддер қалаларында, Шемонаиха, Үржар және Зырян аудандарында жұмыс істейтін жастар ұйымдары анағұрлым көп. Жастар саясатындағы міндеттер  20 жастар орталығы ресурстарымен тығыз қарым-қатынаса отырып шешілуде.
Шығысқазақстандықтар облыстағы 8 жоғары, 82 арнайы орта білім мекемелерінде білім алуда. Жалпы студенттер саны 63 633 (ЖОО-28716, ОАОО – 34917 адам).
35 шығысқазақстандық «Болашақ» бағдарламасы бойынша  әлемнің 7 еліндегі (Ұлыбритания – 15 адам, АҚШ – 12 адам, Германия – 2 адам,  Канада – 4 адам, Австралия – 2, Чехия, Францияда – 1 адамнан) жоғарғы оқу орындарында білім алуда.
Жастар арасындағы жұмыссыздықты төмендету мақсатында, нәтижелі жұмыспен қамту және жаппай кәсіпкерлікті дамыту бағдарламасы бойынша                  7366 адам қысқа мерзімді кәсіптік оқуға жолданды, оның  2887-і немесе 39% жастар. Әлеуметтік жұмыс орындарына 971 адам орналастырылды, оның 345-і немесе 36% жастар.
Жоғары оқу орны түлектерін қолдауға арналған «Жастар тәжірибесі» жобасын 1 408 адам пайдаланды, олардың 601-і оқуды аяқтап, 293-і тұрақты жұмыс орындарын тапты.
«Дипломмен ауылға» жобасы аясында 318 адам 50,8 млн. теңге сомасында көтерме жәрдемақы алды. Сонымен қатар 270 маман баспана сатып алуға не болмаса құрылысқа 833,8 млн. теңге көлемінде бюджеттік несие алды.
2017 жылы, жазғы уақытта, «Жасыл ел» қатарында 16-29 жас аралығындағы жұмыссыздар, мектеп оқушылары, студенттер  арасынан 1475 адам  жұмыспен қамтылды.
Өткізілген жұмыстың нәтижесі ретінде NEET үлесі (жұмыссыз және оқу оқымайтын жастар үлесі) деңгейінің өткен жылмен салыстырғанда 5,3 пайызға (2016 ж.-9,5%, 2017 ж.-4,2 %) төмендеуін атап өтуге болады.
 «Қоғамдық кеңестердің және барлық деңгейдегі маслихаттар қызметтері арқылы шешімдер қабылдау процестеріне тарту жолымен жастардың азаматтық қатысу деңгейін арттыру» жобасын жүзеге асыру мақсатында  2017 жылғы қыркүйек айында ШҚО аумағында Жастар маслихатына сайлау өткізілді.
Сайлау қорытындылары бойынша колледждер, ЖОО, жұмысшы жастар тарапынан 384 депутат сайланды (олардың ішінде аудандардан – 271, қалалардан – 113 адам).
Жастардың қоғамдық істердегі айрықша еңбектерін тану және ынталандыру мақсатында  облыс әкімінің «Мемлекеттік жастар саясатын іске асыруға қосқан үлесі үшін» сыйлығы тағайындалып, 2017 жылы 7 номинация бойынша сыйақылар табыс етілді.
Жастарды топтастыру және азаматтық біртектілікті қалыптастыру мәселелерін шешуге ШҚО Қазақстан халқы Ассамблеясының «Жастар лигасы» белсенді үлес қосуда.   Ұйым белсенділері тағаттылық мектебінің, Ассамблеяның жастар клубының жұмысына және барлық қоғамдық-маңызды іс-шараларға атсалысуда.
Оқушы, студент және жұмысшы жастар қоғамдық маңызы бар іс-шараларды өткізуге белсенді қатысуда. Оларды өткізу барысында қазақстандық патриоттықты, азаматтық бірегейлікті, белсенді өмірлік ұстанымдарды қалыптастыруға ерекше көңіл бөлінеді.
Жалпы басқарма жұмысы ішкі саяси тұрақтылықты сақтау және нығайтуға, этносаралық келісім мен қоғамның тұтастығын қамтамасыз етуге бағытталған.

 

Ішкі саясат саласындағы жұмыстың жағдайы туралы есеп

Ішкі саясат басқармасының  2016 жылғы жұмысының маңызды бағыттары:
- өңірде ішкі саяси тұрақтылықты және қоғамды келісімді сақтау;
- Өңірлік деңгейде мемлекеттік ақпараттық, жастар, гендерлік саясатты іске асыру мәселелерін үйлестіру;
- мемлекеттік саясатты, «100 нақты қадам» Ұлт жоспарын, Жолдауды, бағдарламалық құжаттарды  іске асырудың  барысын түсіндіру;
- азаматтық қоғам институттарымен сындарлы өзара іс-қимыл болып табылды.
Облыста Мемлекет Басшысының 2015 жылғы 30 қарашадағы «Қазақстан жаңа жаһандық нақты ахуалда: өсім, реформалар, даму» Жолдауының, мемлекеттік бағдарламалардың («Мәңгілік Ел», Халық бірлігі, Ұлт жоспары, Жалпыға Ортақ Еңбек Қоғамы, ЭКСПО-2017) міндеттерін іске асыру, өзекті мәселелерді шешу бойынша тұрғындар арасында ақпараттық-түсіндіру жұмыстарын жүргізу аясында   421 596 адам қамтылған  6 810 кездесу өткізілді. Соның ішінде, қоғамдық пікір көшбасшылары еңбек ұжымдарымен 1 204 кездесу өткізді, 66 210 адам қамтылды.
Облыста үш мыңнан астам мүшесі бар, барлық деңгейдегі 211 ақпараттық насихат тобы жұмыс істейді. Топтардың құрамына мемлекеттік органдардың басшылары мен өкілдері, мәслихаттар депутаттары, этномәдени бірлестіктердің, техникалық және гуманитарлық зиялы қауым, ҮЕҰ, БАҚ, шағын және орта бизнес, кәсіподақ ұйымдарының, ардагерлер кеңестерінің, Кәсіпкерлер палатасының өкілдері кіреді.
Қоғамдық маңызды іс-шаралардың әлеуеті пайдаланылады. 2016 жылы барлығы 20 мыңнан астам іс-шара өткізілді. Облыста жыл басынан бастап 1млн-нан астам  адам қамтылған 15 276  іс-шара өткізілді.
Іс-шаралар түрлі атаулы аудиториялармен, соның ішінде: жастар, ардагерлер, азаматтық қоғам өкілдерімен, кәсіпкерлермен, шалғай ауыл тұрғындарымен өткізілді. Іс-шараларға ірі кәсіпорындар мен ауыл шаруашылық құрылымдары қатысты.  
Облыста әлеуметтік маңызды жарнамалар бар 2 000 астам құрылғылар орнатылған. Басымды бағыттар: Елбасы Жолдауы, ҚР Тәуелсіздігінің 25 жылдығы, Ұлт жоспары, ЖОЕҚ, ЭКСПО-2017, сыбайлас жемқорлыққа қарсы тақырыптар, депуттаттар сайлауы.
2016 жылдың қорытындысы бойынша Шығыс Қазақстан облысы аумағында 154 өңірлік БАҚ тіркелген, олардың 30-ы электрондық (7 телеарна, 3 радио, 11 сайт, 9 кабелдік теледидар), 124 баспа (94 газет, 30 журнал) бұқаралық ақпарат құралдары. Ақпараттық холдингтер және басылымдар базасында ақпараттық сайттар мен интернет басылымдар жұмыс істейді.    
Олардың 31-і мемлекеттік, 123-і мемлекеттік емес. Тақырыптық бағыттары бойынша: қоғамдық-саяси – 55, ақпараттық-көңіл көтеру (жарнамалық) – 66, ведостволық/ діни – 12, ғылыми-әдістемелік – 21.   
2016 жыл ішінде Ақпараттық орталық базасында  облыс әкімі орынбасарларының, қалалар және аудандар әкімдерінің, облымтық басқармалар басшыларының қатысуымен мемлекеттік саясаттың барлық бағыттары қамтылған 128 баспасөз конференциялары мен брифингтер (соның ішінде 34 жоспардан тыс) өткізілді.
Қорытындысы бойынша  тек интернет-ресурстардың өзінде ғана 3100 жарияланым орналастырылды. Барлық позициялар бойынша оңды материалдар қатары артуда. 2015 жыл ішінде жарияланған материалдар саны 57792 құраса, олардың 24241-і оңды сипатта болды, 2016 жылы бұл көрсеткіштер сәйкесінше 62433 және 26087 құрады.    
Ақпараттық саясат жөніндегі кеңестің 4 отырысы ұйымдастырылды, онда негізгі бағыттар мен ақпараттық жұмыстарға қатысты мәселелер талқыланды.
2016 жылдың қорытындысы бойынша отандық сандық телехабар тарату желілеріне қосылған абоненттер қатары 76288 –ді құрады, бұл  жалпы көрсеткіштің 19 пайызын құрайды. Жалпы 2013 жылмен салыстырғанда тұрғындарды отандық телехабармен қамту 46% өсті.
Облыста республикалық: «Нур Отан», «ҚКХП», «Ак жол», «Бірлік», «ЖСДП», «Ауыл» партияларының 6 облыстық, 28 қалалық және аудандық филиалдары тіркеліп, өз қызметтерін атқаруда. Барлық партиялардың өкілдері  Саяси клуб және Қоғамдық кеңес тәрізді сұхбат алаңдарының қатысушылары болып табылады.
Облыс аумағында жұмыс істейтін 6 партияның көшбасшыларының қатысуымен, «Саяси клубтың»       5 отырысы өткізілді.
Жыл ішінде барлық деңгейдегі Қоғамдық кеңестер тарапынан 179 отырыс, 48 қоғамдық тыңдау өткізілді.
112 мемлекеттік орган басшыларының есептері өтті.
326 нормативтік-құқықтық актінің жобалары қаралды және келісілді.
Қоғамдық кеңестің  сарапшылар топтары 49 отырыс, соның ішінде қалалар мен аудандарда 14 көшпелі отырыс, денсаулық сақтау және білім беру мекемелеріне 20 рейд,  7 брифинг өткізді.  
Өзекті әлеуметтік мәселелерді шешуге ҮЕҰ белсенді атсалысуда.
VII  Азаматтық форумға дайындық барысында облыс бойынша қалалық және аудандық конференциялар, дөңгелек үстелдер, республикалық Азаматтық форумға қатысатын делегаттар бекітілген форумдар өткізілді. 4 қараша күні «Тәуелсіздікке 25 жыл: Біздің күшіміз бірлікте» тақырыбымен облыстық Үкіметтік емес ұйымдар форумы өтті. Оған үкіметтік емес сектор, қоғамдық кеңестер өкілдері, облыс қалалары мен аудандарының белсенділері қатысты. Жалпы қатысқандар саны 120-дан астам адамды құрады. 
Бүгінгі таңда Шығыс Қазақстан облысында тұратын 14-тен 29 жасқа дейінгі адамдар қатары 316 034-ті құрайды, бұл жалпы өңір тұрғындарының  22,6%.  Тіркелген 90 жастар ұйымының 42-сі анағұрлым белсенді іс-әрекеттер танытады. Семей, Өскемен, Риддер қалаларында, Шемонаиха, Үржар және Зырян аудандарында жұмыс істейтін жастар ұйымдары анағұрлым көп. Жастар саясатындағы міндеттер  20 жастар орталығы ресурстарымен тығыз қарым-қатынаса отырып шешілуде.
Шығысқазақстандықтар облыстағы 8 жоғары, 74 арнайы орта білім мекемелерінде білім алуда. Жалпы студенттер саны 63 040 (ЖОО-26 710. ОАОО – 36 330).
2016 жыл ішінде облыс қалалары мен аудандарындағы жастар ісі жөніндегі кеңестердің 76 отырысы өткізілді, олардың біреуі облыс әкімі орынбасары жанында өтті.
61 шығысқазақстандық «Болашак» бағдарламасы бойынша  әлемнің 11 еліндегі (Ұлыбритания – 43 адам, АҚШ – 28 адам, Германия – 5 адам, Ресей Федерациясы – 4 адам, Канада – 4 адам, Ирландия Республикасы – 2 адам, Чехия, Австрия, Швеция, Австралия, Швейцария – 1 адамнан) жоғарғы оқу орындарында білім алуда.
«Серпін - 2050» бағдарламасы шеңберінде 2000 астам студент 3 жоғары оқу орнында және 9 ОАОО білім алуда.   
Жастардың жұмысқа орналасуына көмек көрсету шаралары,  2016 жылдың 9 айының қорытындысы бойынша, жастар арасындағы жұмыссыздық деңгейін 3,6% дейін төмендетуге ықпал етті, бұл 2015 жылғы осындай кезеңдегі көрсеткіштен 1,2 % аз.  
2016 жылғы 1 желтоқсандағы жағдай бойынша, «Жұмыспен қамтудың жол картасы 2020» бағдарламасы аясында 435 жас адам (оқып жатқандардың 46%) оқытуға жіберілді. Олардың 251 жұмысқа орналастырылды.  
Әлеуметтік жұмыс орындарына 186 адам орналастырылды (жұмысқа орналасқандар санының 33%).
Жоғары оқу орны түлектерін қолдауға арналған «Жастар тәжірибесі» жобасын 568 адам пайдаланды, олардың 488-і немесе 85,9% тұрақты жұмыс орындарын тапты.
«Дипломмен ауылға» жобасы аясында 315 адам 46,7 млн. теңге сомасында көтерме жәрдемақы алды.
2016 жылы «Жасыл ел» жобасы шеңберінде 1600 жасақшы облыстың 39 ұйымына жұмысқа орналастырылды. 2017 жылы республикалық бюджет трансферті есебінен 2200 адамды жұмысқа орналастыру жоспарланып отыр.   
Жастардың қоғамдық істердегі айрықша еңбектерін тану және ынталандыру мақсатында  облыс әкімінің «Мемлекеттік жастар саясатын іске асыруға қосқан үлесі үшін» сыйлығы тағайындалған. 2016 жылы 7 номинация бойынша осындай сыйлықтар табыс етілді. 
Жастарды топтастыру және азаматтық біртектілікті қалыптастыру мәселелерін шешуге 2016 жылы сәуір айында құрылған ШҚО Қазақстан халқы Ассамблеясының «Жастар лигасы» белсенді үлес қосуда.   Ұйым белсенділері тағаттылық мектебінің, Ассамблеяның жастар клубының жұмысына және барлық қоғамдық-маңызды іс-шараларға қатысуда.   
Жалпы басқарма жұмысы ішкі саяси тұрақтылықты сақтау және нығайтуға, этносаралық келісім, қоғамның тұтастығын қамтамасыз етуге бағытталған.

Парақтар өзгертілді: 07-02-2018